Localización
Está situado no Macizo Central, no suroeste da provincia de Ourense, e pertence ó concello de Vilariño de Conso.
A mellor forma de acceder ó Parque Natural dos Montes do Invernadeiro é pola autovía Madrid- Vigo, ata Verín, e de Verín ó pobo de Campobecerros por carretera comarcal, a continuación, pista asfaltada ata o Parque onde comeza o camiño forestal. Tamén é posible chegar a Campobecerros dende A Gudiña, pola estrada que vai a Vilariño de Conso.
Características do entorno
A acción de diversos factores determinou a existencia de paisaxes moi diferente dentro deste espacio natural. A actividade humana, o seu clima mediterráneo con influencia oceánica, a natureza xeolóxica e a orografía crearon catro asociacións vexetais singulares: unha formación dominante de queirugas, que ocupa as ladeiras das montañas, unha zona de vexetación ripícola e as fragas nas ribeiras dos ríos, unha zona de pastos nos cumios e restos dispersos de repoboación con piñeiros.
Podemos atopar lobos, charrelas, donicelas, e axexa- la baixada dos corzos, gamos, e cervos ó río. O que comezou sendo un refuxio de caza, ven sendo agora unha busca de contacto coa natureza.
Actividades:
A estadía nesta Aula pode ser de dous ou catro días. As actividades que se poden realizar serían:
Primeiro día: Recepción do grupo.
Unha vez na Aula o grupo é recibido polos monitores que os acomodarán nos seus apousentos.
Elaboración dun plano de traballo para os seguintes días, según os intereses dos profesores que acompañan ó grupo.
Segundo e terceiro días.
Plano de traballo programado o día da chegada. Este plan constará de varias actividades que consistirán en:
Realización de rutas autoguiadas.
Talleres de traballo.
Cuarto día:
Limpeza da aula e contorno.
Mesa redonda.
Obxectivos da actividade:
Tomar contacto coa problemática ambiental.
Desperta-lo interese de conservación do medio natural.
Estudia- lo papel que xoga a intervención humana na transformación da paisaxe.
Finalidade:
Acercamento e coñecemento do contorno para posibilita- la adquisición de actitudes, valores e normas de comportamentos respectuosos con medio ambiente.
Solicitude de información:
San Lázaro s/n
15781 - Santiago de Compostela (A Coruña)
Tlf.: 981-541-763 Fax: 981-541-765
Máis información:
http://www.xunta.es/coselle/cma
AGADEF. Asociación Galega de Docentes de Educación Física.